KPJ 155 Aku Tan Nate Mangerti - Kidung Pasamuwan Jawi

KPJ155_AkuTanNatéMangerti_KidungPasamuwanJawi

 

1

Aku tan naté mangerti kapan begja cilaka,

mung tansah pasrah mring Gusti, yéku Pamarta setya.

Mantep pracaya ing ati manut rèh lan sabdanya.

Tinuntun dumugèng janji mring kasampurnan swarga.

2

Aku asring tan mangerti karsèng Allah Makwasa.

Donga panyuwuning ati tan kajurungan mulya.

Nging yektiné, Gusti nganthi; astanya tansah ngreksa.

Dé panuntuning Roh Suci, sirna pangrehing dosa.

3

Uripku ing pangrèhé Gusti, tan ana pangrèh liya.

Kasarasan lan rejeki, wuwuhing sih-nugraha.

Rancangan tinata tliti, pratandhaning sutresna.

Aku tan kwatir, tan wedi, mung begja kang pinanggya.

Categories: Kidung Pasamuwan Jawi